Сай вашталтышлан ӱшанат

Теве Реве ялыште илыше-влак кодшияк, верысе инициативылан полышым пуымо программылан эҥертен, ял клубым уэмдаш шоненыт ыле. Но тунам пашана миен ыш лек. 

Ялыште клуб уло гын, тӱшкан погынашат йӧнанрак, илашат веселарак. Реве клубышто, чыла шотыштат йӧнан лийже манын, ачалыме пашалан пижманак: пӧртвуйым тӧрлыман, тоштемше окнан пу янак ден рамылажым ПВХ гыч ыштымылан алмаштыман, отопленийым пуртыман, у омсам шындыман, моло сомылым шуктыман. Но тидым кугыжанышлан эҥертыде ыштышашлык огыл, садлан тений уэш ты программыш логалаш кумыл уло, ала тунам чынже денак шонымашнам шуктен кертына ыле?