Ончыкылыкыш - у окна дене

Школым 1981 ийыште чоҥымо, тидлан 40 утла ий эртен. Кажне ийын кеҥеж каникулышто зданий кӧргыштӧ ачалыме паша шукталтеш. Но жап эртыме семын школын «ийготшо чумырга», класс шукемеш, йоча-влак школыш куанен вашкат, шинчымашым погат, пырля тунемме йолташышт дене вашлийыт. 

Пытартыш ийлаште 3-шо, 4-ше пачашлаште окналаште пу окна раме-влакын тоштеммышт тургыжландара. Жап эртымылан да игече вашталтмылан кӧра пу конструкций-влак тоштемыныт, тунемше да пашаеҥ-влаклан лӱдыкшӧ улыт. Нуным кызытсе саманлан келшыше у окна-влаклан алмаштыман. Ончылгоч чумырген эртарыме погынымашыште Юбилейный уремысе 13В пӧртыштӧ илыше-влак чылан лач тиде проектым кӱлешанлан шотлышт. 2021 ий 15 декабрьысе погынымашыште «Замена оконных блоков учебных кабинетов на ПВХ конструкции в МОАУ СОШ №16 по адресу: г. Нефтекамск, ул. Победы, д.10» проектым илышыш шыҥдарашлан программыш ушнымо верч йӱклышт, калык деч погымо надыр 13% лиеш манын пеҥгыдемдышт. 

Школын икоян командыже да инициативный тӱшка ППМИ проект полшымо дене шонен пыштыме суапле сомылышт воранен кертмылан ӱшанат.