Чемпионатлан ямдылалтыт

13-17 февральыште Уфаште «Самырык профессионал-влак» (WorldSkills Russia и JuniorSkills) II региональный чемпионат эрта. Тудо пашаче профессий-влакым кумдан палыме ышташ, пашазе-влакын квалификацийыштым кӱкшемдаш полшышаш. Профессиональный мастарлык конкурсышто да таҥасымашыште 16-20 ияш студент-влак веб-дизайн, сетевой да системный администрирований, предпринимательство, видео-монтаж, сварочный технологий-влак, модын технологийже, лабораторийысе химий анализ, столярный паша да моло конкурслаште вийыштым тергаш тӱҥалыт.