Тукымвож. Кузе Энгельсыште марий пайремым эртареныт?

Мый Башкортостанысе Маядык ялыште илем, марий тукымвож гыч улам. Ӱдырем Маядыкыште шочын-кушкын, а теве Даниил уныкам - Саратов областьысе Энгельс олан шочшыжо. Тора гынат, ешна марий вожшым шарнен ила, садлан уныкам коштмо 41-ше йочасадыште лийше событий чот шерге. Тушто, Калык-влакын икоян улмо идалыкыштлан келыштарен, йоча-влак коклаште конкурсым эртареныт. Тушко 10 йочасад ушнен. Даниилын коштмо группыжо Коҥга пайремым модын ончыктен.

Снимкыште: Модыныт да куштеныт, марий койышым ончыктеныт. Еш архив гыч налме фото-влак.

«ЧОЛМАН» ГАЗЕТЫМ МАX-ЫШТЕ ЛУДЫНА!

Энгельсыште марий уке гаяк чучеш, йоча-влак коклаште тидым отат шиж. Даниил шкежат марла ок кутыро. Но йоча-влак воспитатель-влакын вуйлатымышт почеш рушла да марла текстан выступленийым ямдыленыт: куштеныт, калык тӱвыранам ончыктен модыныт. Иктешлымашыже чыланнам ӧрыктарен - 10 йочасад коклаште уныкамын коштмо 41-ше йочасад икымше верым налын.

Мый тидлан чот куаненам, нунын дене уло чон дене кугешнем. Тугай олаштат, кушто марий укеат манаш лиеш, кугезе йылме дене мутланыдыме уныкам да моло изи ӱдыр-эрге-влак марий калыкнан койыш-шоктышыжым ончыктен кертыныт. Тау воспитатель-влаклан нуным сайын ямдылымыштлан.

Мемнан ешланна тиде событий поснак кӱлешан. Тыге мыйын тукымем, историем да калыкем нерген шарнымаш уныкам декат кусна. Тек тудо, кугезе-влакын шочмо кундемышт деч тораште кушкеш гынат, шке тукымвожшым огеш мондо.

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!

Автор:Иван ПЕТРОВ. Маядык ял, Дӧртыльӧ район.

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

ОК - ok.ru/cholmanrb

МАКС - max.ru/cholman

Телефон

Телефон: 8(34783)7-07-97.

Эл. почта

cholman@mail.ru

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».