11 октябрь - Республикын кечыже

«ЧОЛМАН» ГАЗЕТЫМ МАX-ЫШТЕ ЛУДЫНА!

БР Вуйлыкын администрацийыштыже каҥашыше оргкомитетын увертарымыж почеш, 9 октябрьыште Российын Геройжо генерал-майор Минигали Шаймуратов лӱмеш класслаште тунемше йоча-влакым «шаймуратовец» радамыш торжественно пуртат, Ял озанлык министерствын Колонный залыштыже Башкортостанын кугыжаныш наградыже-влакым кучыктат - тӱрлӧ аланыште тыршыше пашаеҥ-влакым орден, медаль, почетный лӱм дене суапландарат, «Башкортостан» кугыжаныш концерт залыште торжественный собранийым эртарат, Уфаште лӱмлӧ партийный пашаеҥ Мидхат Шакировлан памятникым, реконструкций деч вара Ленин лӱмеш паркым торжественно почыт, Келшымаш монумент деке пеледышым пыштат. 10-12 октябрьыште Кучедалмаш полатыште единоборство-влак дене «Кубок республики» турнирым эртарат. Каныш кечылаште, тӱҥ шотышто 10 октябрьыште, олала да районлаште пайрем шӱлышан ял озанлык ярмиҥга-влакым ямдылат, нуным усталык коллектив-влак сӧрастарат. Тудо кечынак Уфасе «Акбузат» ипподромышто Башкортостан Вуйлыкын призше верч имне дене кудалме кугу таҥасымашым эртарат, увертара «Башинформ». 

Республикын кечыже тений рушарнялан логалеш. Тидлан кӧра каныш кечым 12 октябрь шочмыш кусарат. Арняште вич кече пашам ыштыше-влак кум кече почела - 10, 11 да 12 октябрьыште - каналтат. Куд кече пашам ыштыше-влаклан 11, 12 октябрь каныш кече лийыт, увертара Кугыжаныш паша инспекций. 

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!