+14 °С
Облачно
Саман увер
16 Сентября , 07:26
БАШКИРИЙЫШТЕ ИЛЫШЕ ЕҤЫМ НАРКОТИК СРЕДСТВАМ УЖАЛАШ ТӦЧЫМЫЛАН СУДИТЛЫМЕ НЕРГЕН
Россий ФСБ-н Башкортостан Республикысе управленийже Украинысе Днепропетровск олан шочшыжо Михаил Андреевич Пустовгаровын (2003 ийыште шочын) Россий территорийыште кугу партий наркотический средствам ужалаш шонымо шотышто осал пашаж нерген пален налын. УФСБ пашаеҥ-влак пален налыныт: верысе еҥ, «Интернет» сетьым кучылтын, наркотический средствам закондымын ужалымашке виктаралтше преступный группын организаторжо дене ик социальный сетьыште вашмутланымашыш ушнен.
«ЧОЛМАН» ГАЗЕТЫМ МАX-ЫШТЕ ЛУДЫНА!
Инструкцийым налмеке, тудо Уфа оласе Орджоникидзе районысо чодыра лоҥгаште верланыше шылтыме тайник-закладке гыч кучылташ чарыме средствам поген налын да пачерышкыже кусарен. УФСБ пашаеҥ-влакын кучымыштлан кӧра пӧръеҥ осал шонымашыжым мучаш марте шуктен кертын огыл. Илыме верыштыже кычалмашым эртарыме годым наркотический средствам (α-PVP) поген налме, тудо №-метилэфедронын производныйжо улеш, чумыр нелытше - 1 488,14 гр.
УФСБ-н следовательже, оперативный пашаеҥже-влакын погымо доказательство-влакым Башкортостан Республикысе Уфа олан Октябрьский районный судшо приговорым лукташ ситышылан шотлен. М.А. Пустовгаровым Россий Уголовный Кодексын 30-шо статьяжын 3-шо ужашыштыже - 228.1-ше статьяжын 5-ше ужашыштыже палемдыме преступленийым ыштымылан титаканлан шотлымо, наказаний шотеш тудым пеҥгыде режиман исправительный колонийыште 9 ийлан эрык деч посна кодаш, 200 тӱжем теҥге штрафым тӱлыкташ палемдыме. Арестоватлыме погыжым, преступный йӧн дене налме 575 тӱжем теҥге наличный оксам да банк счётышто улшо 4942 теҥге оксам, суд кугыжанышын собственностьышкыжо конфисковатлен.
Приговор законный вийым налын.
