+5 °С
Пылан
Саман увер
19 Апрель , 04:26
Пайдале каҥаш
Шылым писын левыкташ кӱлмӧ годым, суртышто микроволновый коҥга уке гын, тидым вӱд полшымо дене ышташ лиеш. Шылым полиэтилен пакетше денак мискыш кудалтыман да тушко пӧлемысе температур марте ырыше вӱдым опталман. Шокшо вӱдым кучылтмо ок кӱл: тыге шыл уда пушан лиеш.
Салмам куштылгын мушкашлан тушко вӱдым пыштыман, чывыштыш содым ешарыман да тулыш шындыман. Кок минут шолтыман. Тыге салма пундашыш пижше да йӱлышӧ кочкыш атышӧр деч писын ойырла.
Микроволновкым писын эрыкташлан содым кучылташ йӧнан. Тидлан кум кугу совла содым кок стакан вӱдеш йӧрыман. Вартышым коҥгаш шындыман да тудым лу минутлан чӱктыман. 15 минут вучалтымеке, микроволновкым почман да кӧргыжым сайын гына ӱштылман.
Чай, кофе писынрак йӱкшышт манын, тушко икмыняр изи совлам вераҥдаш темлат. Совла ыра - шокшо чай йӱкша.
Дрожжа руашлан писын оварашыже шокшо да юж коштдымо вер уке гын, микроволновкеш 1 стакан вӱдым шолтыман. Вара тушко пищевой пленка дене леведме руашым вераҥдыме мискым шындыман.
Окнам эрыктыме годым яндан ик могыржым шола гыч пурлаш, вес могыржым кӱшыч ӱлык мушкаш гын, тыге яндасе «развод» манме гай кодшо верже-влак сайынрак палдырнат, да пашат писынрак мучашлалтеш.
Вургемым эрыктыме ролик чиемым веле огыл, сумка пундаште погынышо пудыргым, изи кагазым да моло тыгыде шӱкшакымат йытыраен луктын кертеш.
Вургемым пун, меж да моло изи куштыра деч писын эрыкташлан скотчым кучылташ лиеш. Тидлан тудым клеян могыржо дене кидкопаш тӱжвакыла пӱтырыман. Вургемым эрыктыме арвер ямде.
Новости партнеров
