+3 °С
Пылан
Все новости
Саман увер
26 Ӱярня , 09:22
«Чолманлан» - 35 ий. Шошо у вийым конда
Адакат шошо мландым ӧндале, Помыжалтын, пӱртӱс юарла… Лач тыгай жапыште, чылажат уэмын пеледалташ тӱҥалме годым, шошымсо шырчык-влакым куанен вучымо семын 35 ий ожно республикыштына марий-влаклан «Чолман» газет шочын. Тудын йыргешке лӱмгечыжым 24 апрельыште палемдаш тӱҥалына, изин-кугун вучышо-влакын кумылыштым шукташ манын, пайремлан ямдылалтына.
Вич ий ончычсо концерт гыч фото.
35-ий ончыч лекше газетын икымше номерже.
Вич ий ончыч Нефтекамск оласе Тӱвыра рӱдерыште юбилей пайремнам гӱжлен эртарымына пуйто теҥгече веле ыле… Но жап писын куржеш. Вич ийлан адак… уэмынна. Тугеже, у шӱлыш, у койыш дене пайремлан ямдылалташ тӱҥалына, у вургемым, эшеат моторракым кычалына, ургена да Нефтекамскыште уэш кугу фестиваль-концертыште вашлийына.
Билетым налаш эше эррак, но вараш кодшыжо садак лектеш. Ончылгоч броньым ышташ йодмашым редакцийыш колтен кертыда. А концертышкына артист семын логалаш шонышо коллектив-влаклан кызытак «помыжалтман» да содор гына йодмашым возен колтыман, молан манаш гын шкешотан кастингым эртарена, ойырен налме-влак коклаш логалаш черет пеш кугу лиеш. Икманаш, лум шула, шолап гыч вӱд йога, шошо талышна. Меат - тугак!
Новости партнеров