МАХ-ын еш илышым куштылемдыше лу функцийже

1. Мобильный интернет начарын ыштыме годым кылым кучаш

МАХ-ым лӱдыкшыдымылык йодышлан кӧра мобильный интернет кылым луштарыме годымат пашам ыштен кертше сервис-влак радамыш пуртымо.

2. Личностьым да льготым пеҥгыдемдаш

МАХ-ыште цифровой ID-м - документ-влакын электрон архивыштым - почаш лиеш. Тудден, мутлан, кугу супермаркетлаште 18 ияш деч кугурак еҥ-влаклан гына ужалыме сатум налме, театр ден музейлаште пенсионер ден льготник-влаклан скидкым ыштыме, тунемме верыш пурымо годым пайдаланаш лиеш. МАХ-ысе цифровой ID-м кучылтмо верлам ончыкыжо эше ешараш шонат.

3. Документым шотыш кондаш

МАХ-ыште тӱрлӧ операцийым ышташ полшышо бот - электрон сервис-влак - кечын гаяк ешаралтыт. Нунын кокла гыч иктыже - республикын МФЦ-шкыже возалтме бот. Тудын полшымыж дене приемыш возалташ, йодмашын статусшым эскераш лиеш. Документым ямдылен шуктымекат, МАХ гочак увертарат. Бот дене пайдаланаш тӱҥалаш манын, кычалме корныш ботын лӱмжым пуртыман: @mfcrb02_bot.

4. Эмлалташ кӱлмӧ годым

Еҥ-влак «Башкортостан. Врач дек приемыш возалтмаш» (@rb_k_vrachu_bot) ботын пайдажымат аклен шуктеныт. Тудын полшымыж дене врач дек приемыш возалташ, онлайн-консультацийым налаш, больничныйым петыраш лиеш. Башкирийыште ты жаплан врач-влак деке бот гоч 200 тӱжем гана возалтыныт.

5. Пачер йодышым решатлаш

Башкирий МАХ-ыште управляющий компанийын еҥже-влак дене пӧртысӧ чат-влакым ыштыме да вияҥдыме пилотный проектыш ушнен. Пӧртысӧ чатыш «Госуслуги» гыч гына пураш лиеш, садлан тушко ӧрдыжъеҥ логалын ок керт. «ГосуслугиПӧрт» бот коммунальный услугылан тӱлаш, показанийым колташ кӱлмым шижтарен шога. Вашке гыч счетым тӱлаш, показанийым колташ, управляющий компанийыш йодмашым пуаш посна изи приложенийымат ыштынешт.  

6. Лӱдыкшыдымӧ режим дене мутланаш

Лӱмын ыштыме лӱдык-шыдымӧ режим палыдыме кычалше-влак деч профильым шылташ, контакт-влак спискыште улшо еҥ-влакын йыҥгыртымыштлан да чатыш ӱжмыштлан вашешташ, 16+ да 18+ палан контентым фильтроватлаш йӧным ышта. Лӱдыкшыдымӧ режимым поснак икшыве ден илалше еҥ-влакын устройствыштышт чӱкташ пайдале. Тидлан настройкым почман да, «Приватность» вкладкым, «Контакты» манмым темдалын, лӱдыкшыдымӧ режимым чӱктыман.

7. ИИ дене тугок пайдаланаш

МАХ-ыште кумдан шарлыше нейросеть-влакын (мутлан, Giga Chat (@gigachat) але Алиса AI (@alice) ботышт уло. Тушко пурен, нейросеть деч саламлымашым шонен муаш, открыткым сӱретлаш, арнялан менюм рашемдаш, пакчаланда келшыше эн сай сорт облепихым ойырен налаш да молым йодаш лиеш. Заданийым рашынрак умыландареда гын, лектышыжат сайрак лиеш.

8. Йоча-влакын 

тунеммыштым эскераш

«Сферум» школ илышлан мессенджерыште посна ужашым ойырымо. Тушто электрон дневник уло. Тушечак ача-ава-влак школыш электрон справкым колтен кертыт. Ынде шукыж годым класс-влакын чатыштымат МАХ-ыште почыт.

9. Чонлан келшыше канал-влаклан возалташ

МАХ-ыште шинчымашым пойдарыше але яра жап годым ончаш келшыше канал-влакым пеш писын вияҥдат. Шкаланда келшышыжым кычалмаште верешташ лиеш. Тылеч посна шкежат тугок посна каналым ыштен кертыда.

10. Бизнесым вияҥдаш

Предприниматель-влакат мессенджерыште шке каналыштым ыштен да компанийын уверже-влак дене палдарен, йодыштмашым да конкурсым эртарен, скидка ден акций-влак нерген увертарен кертыт. Пашаштым ворандарен колташ бот конструктор-влакым ыштыме, нуно клиент-влаклан приемыш возалташ, заказым ышташ полшат, йодышыштлан вашештат. Тыгак бизнес дене заниматлыше-влакын МАХ-ыште компанийын сайтше гайрак посна изи приложений-влакымат ышташ йӧнышт уло.