Республикыште гофротарым ыштен лукшо заводым почыныт

2014 ий годсек тиде предприятий гофрированный кагазым да картоным, кагаз атым, упаковкым ыштен луктеш. Уфимский районысо Подымалово ялыште верланыше производство ныл технологический линийым ушен шога. Нуно тылзе еда 5 миллион квадрат метр марте сатум лукташ йӧным ыштат. 

2023 ийыште тиде компаний «Алга» посна экономический зонын «Уфимский» индустриальный паркыштыже у заводым чоҥымо инвестпроектым илышыш шыҥдараш тӱҥалын. Тудын вий-куатше идалыкыште 70 миллион квадрат метр гофротарым ыштен лукташ йӧным пуа. «Тиде заводым ме кок ият пеле жап чоҥышна. Тӱҥалтыш жапыште инвестицийын кугытшо 1,2 миллирад теҥгеш шуо. Тудлан кӧра 50 еҥлан паша вер лекте», - палемден «Добрый картон» компанийын директоржо Денис Коткин.