-9 °С
Пылан
Все новости
Саман увер
28 шорыкйол , 16:46
Радий Хабиров Янаулыш толын
Кодшо шуматкечын Башкортостан Вуйлык Радий Хабиров Янаул районыш толын. Янаул олаште тудо «Культура» нацпроектын «Культурная среда» федеральный проектше почеш уэмдыме йоча искусство школым ончен савырнен. Учрежденийыште 26 преподаватель пашам ышта, «фортепиано», «духовые и народные инструменты», «хореография», «изобразительное искусство» направлений-влак дене 530 йоча усталыкшым шуара. Искусство школым 2024 ийыште, коллективын 2023 ий декабрьыште БР Вуйлыкын «вияш линийышкыже» йодмаш дене лекме деч вара, ачаленыт.
Йоча поликлиникын кабинетыштыже. БР Вуйлыкын сайтше гыч налме фото.
Тудо кечынак Радий Хабиров Янаулысо рӱдӧ больницын йоча поликлиникыжын у зданийыштыже лийын. Тушто эмлыме учрежденийын пашаж дене палыме лийын да коллектив дене мутланен. 3,4 тӱжем квадрат метр кумдыкан кок пачашан корпусым «Продолжительная и активная жизнь» нацпроект почеш илышыш шыҥдарыме президент программа полшымо дене чоҥеныт. Зданий медицина полышым пуымо шотышто чыла йодмашлан келшен толеш, кабинет-влакым у оборудований дене йӧнештарыме. Поликлиникым ик сменылан 150 еҥ мияш йӧнештарыме.
Тудо кечынак республикым вуйлатыше Янаулым ончыкылан тӱзландарыме проект-влакым шымлен. 2026 ийыштат муниципалитет илаш йӧнан вер-шӧрым ыштыме шотышто федеральный проектлаш ушнаш палемден.
Радий Хабиров тыгак Янаул районын СВО-што вуйыштым пыштыше сарзыже-влакын ешышт дене вашлийын да нунылан шочшыштын боевой задачым шуктымо годым патырлыкым ончыктымыштлан Шаймуратов генералын орденжым кучыктен.
Новости партнеров