Республикыште У ийлан ямдылалтыт

Тушко олала ден районла гыч воинский да служебный долгым шуктымо годым ӱмыр лугыч лийше СВО-н участникше, военнослужащий, внутренний паша органлаште тыршыше-влакын ешышт гыч йоча, тыгак отличник, олимпиадылаште, спорт таҥасымашлаште сеҥыше икшыве, художественный самодеятельность фестивальын лауреатше, шуко икшыван да шагал парышан еш гыч, тыгак экшыкан тазалыкан, инвалид йоча-влакым, тулык икшыве да ава-ачан полышыж деч посна кушшо ӱдыр-рвезе-влакым ӱжыт.  

МЧС службылан пайрем кечылаште пожар лӱдыкшым эскерыме сомылым шукташ ӱшаныме, силовой ведомство-влак калык шуко погыныман мероприятийым эртарыме верлаште общественный порядкым текшыраш тӱҥалыт, увертара «Башинформ».