-27 °С
Пылан
Все новости
Саман увер
10 Кылме , 10:38
Таче МВД пашаеҥ-влак профессионал пайремыштым палемдат
Шаран район Пекшаул ял гыч марий ӱдыр Инга Курмакаева Россий МВД-н Шаран районысо пӧлкажын дежурный частьыштыже ышта, тудо оперативный дежурныйын полышкалышыже улеш. «Алло, дежурный колыштеш…» Лач тыге тӱҥалеш кажне эрдене дежурный частьыште ыштыше пашаеҥын кечыже.
Инга Курмакаева.
- Дежурный часть - шокшо точка гай: телефон кеч-могай жапыште - йӱдым але эрдене, каныш але пайрем кече - чыла тидым шотыш налде, йыҥгыртен кертеш. Сандене дежурный-влакын сменышт ик эр гыч весе марте сутка дене шуйна. Южгунам калык полиций паша дене кылдалтдыме йодыш-влак денат тышкак толеш. Конешне, шукыж годым шолыштмаш, кредалмаш, автотранспортым шолыштмаш шотышто увертарымаш-влак толыт. Суткаште кокла шотышто 100 наре йодмаш пура, кеч-могай уверланат жапыштыже тӱткышым ойыраш кӱлеш, - каласкала Инга Сергеевна.
Инган Игорь изажат Шаран районысо полицийын пӧлкаштыже ДПС инспекторлан ышта.
А ме нунылан да полиций пашаеҥ-влаклан профессиональный порысыштым шуктымаште чыла шонымашышт шукталт толжо манын тыланена.
Новости партнеров