Молан газет-влаклан возалташ кӱлеш?

Чыным возымаш. Цифровой технологий-влак мемнан илышнам йӧнанракым ыштеныт. Но кажне сайын удажат уло. Кажне секунд ӱмбакына Интернет гыч «шуҥгалтше» увер эре чын ок лий. Чыла уверым тергыше журналист-влак дене таҥастарымаште, блогер ден моло «писатель-влак» шкаланышт илышыштым огыт нелемде. Нунылан тӱҥжӧ - уверым, тудо фейк гынат, писынрак «ужалаш» да шкеныштын субъективный шонымашыштым йоҥгалтараш.

Газетыште чыла увер корреспондент, редактор-влакын шоктешт гоч эрта. Шоя уверым шарымылан нуно мутым кучат. Тидлан кӧра еҥ-влак савыктыме мутлан утларак ӱшанат. 

Еш йӱла. Периодический печатный изданийлан возалтмаш - мемнан ешна-влакын ожсо жап гыч шуйнышо поро йӱлашт. Газет ден журнал-влак кажне суртышто лийыныт. Типографийысе чия пуш, лаштык-влакын кыштыртатымышт, воктен илыше еҥ-влак нерген заметка-влак - чыла тиде поро шарнымашым кода да сай кумылым пӧлекла. Те уверым телефон але компьютер гоч интернетыште лудаш йӧратеда гынат, ида мондо: вес еҥлан савыктыме изданийлан подписка вучымо да шергакан пӧлек лийын кертеш. Башкирийыште чӱчкыдын «Башкортостан Республика» Издательский пӧртын эртарыме «Поро подписка» благотворительный акций эрта. Кажне еҥ специальный военный операцийын участникын ешыжлан, тыгак шуко икшыван еш, ветеран-влаклан да полыш кӱлмӧ моло ешлан республикысе, оласе, районысо савыктыме изданийлан подпискым ыштен кертеш. 

Каҥашаш амал. Районысо да республикысе изданий-влак верысе увер-влакым возат. Тиде тендан воктене мо лийын шогымо нерген пален шогаш, лудмо уверым пошкудо але йолташ дене каҥашаш, тендан селаште але олаште лийше возымо увер нерген жапыштыже пален налаш, тудын дене пайдаланаш пеш сай йӧн. 

Савыктыме изданийлаште тӱҥ герой - айдеме. Районысо изданийлаште возымо гын, шукыж годым тудо молыланат сай палыме улеш. Кунам материалыште айдеме туныктышо, врач, депутат семын веле огыл, а келге илыш умылымашан, уш-акылан айдеме семын почылтеш, тиде, мутат уке, пешат ӧрыктара. 

Шочмо йылме денат лудаш лиеш. Тӱрлӧ калык илыман республикысе кажне еҥ шочмо йылме дене лекше газетымат налын кертеш. Шочмо йылме дене лудмо веле огыл, тыге ме калык тӱвырам икшывына, уныка-влакланат пуэн коден кертына. Башкортостаныште таче руш, башкир, татар, марий, удмурт, чуваш йылмыла дене газет ден журнал-влак савыкталт лектыт. Нуным тӱрлӧ аудиторийлан - кугурак-влакланат, изирак-влакланат - йӧнештарыме. Журналлаште самырык да сай палыме, мастар писатель-влакын произведенийыштымат савыктат. Тидлан кӧра ме, лудшо-влак, шочмо йылмылан, шочмо йылме дене лекше литературылан шӱмаҥына, тудым вияҥдаш полшена. 

Подписка - шерге огыл. Тӱрлӧ семын ойлат гынат, савыктыме изданийлан возалташ йӧршынат шерге огыл. Идалыкаш подпискын акшым шкендан йӧратыме изданийын экземпляр чотшылан пайлен, тидым шкеат умылен кертыда. Акше кугуак огыл. Подпискылан ик гана тӱлен, газетым идалык мучко лудыда! Оксам изишак аныклаш манын, подписка декада дене пайдаланаш лиеш. Лишыл жапыште декада 3 гыч 13 декабрь марте эрташ тӱҥалеш. Палемдыме жапыште республикысе да районысо изданий-влаклан льготный ак дене возалташ лиеш.    

Газетлан возалт да пӧлекым модын нал! 

Республикысе, оласе да районласе газет-влаклан почта пӧлкаште але rbsmi.ru онлайн-сервис гоч возалташ лиеш. Тидлан «Подписка» пӧлкаште газетым але журналым ойырыман, тушто изданийын лаштыкше почылтеш, савыктыме да электрон версийым налаш темлыме лиеш, тулеч вара тудо корзинышкыда кая. Тушко куснен, заказым оформитлыме пашам мучашлыза. 

Пӧлек модмашке республикын тораште верланыше яллаштыже илыше-влакат ушнен кертыт. Тидлан кок изданийлан подпискым ыштыман, шкендан адресым, телефоным ончыктымо йодмашым возыман да подпискым ыштыме квитанций дене пырля, «Подпишись и выиграй» манын палемден, 2026 ий 15 январь марте 450079, Уфа ола, 50-летия Октября урем, 13-ан пӧрт, АО ИД «Республика Башкортостан», каб. 212  адресыш але podpiska@rbsmi.ru электрон адресыш колтыман.  

Пагалыме лудшына-влак!

«Чолман» газетлан 2026 ийлан подпискым кеч-могай почта пӧлкаште, редакцийыште (Нефтекамск ола, Березовский шоссе, 4а пӧрт), rbsmi.ru/catalog сайтыште ышташ лиеш. 

Индексше: пел ийлан - П2752, идалыклан - П3379.

Газетлан возалтме ак-влак:

• Почтышто: 

пел ийлан - 624 теҥгеат 84 ыр; 

идалыклан - 1202 теҥгеат 92 ыр. 

• Редакцийыште: 

пел ийлан - 354 теҥге, 

идалыклан - 612 теҥге. 

• «Красное знамя» газет редакций гоч (Нефтекамскыште илыше-влаклан): 

пел ийлан - 432 теҥге, 

идалыклан - 768 теҥге.