Могай вашталтыш-влак вучат?

Штраф-влакым кугемденыт

Вес верыш куснен кайыме нерген военкоматыш увертарыдымылан штрафым кугемденыт. Ончыч 1-5 тӱжем теҥге лийын гын, у закон дене келшышын, тудын кугытшо 10-20 тӱжем теҥгеш шуэш. 

Ветеран-влак нерген 

Донецк ден Луганск Калык Республикылаште, Херсон ден Запорожский область-влакын Российын составышкыже пурымекышт, тушто специальный военный операцийын задачыже-влакым шуктышо участник-влаклан «боевой действийын ветеранже» статусым пуат. У закон дене келшышын, тыгай статусым нумалаш ДНР ден ЛНР-ыште 2022 ий 24 февраль гыч, Херсон ден Запорожский областьлаште 2022 ий 30 сентябрь гыч (регион-влак Российын составышкыже тунам пуреныт) СВО-што лийше-влаклан, тыгак нине верлаште разминирований пашам шуктышо МЧС-ын спасательже-влаклан правам пуат. Тӱҥ условий - тушто службым эртыме жап 6 тылзе деч шагал огыл лийшаш. Мӧҥгӧ жап шуде колтеныт гын, тидым уважительный амал дене пеҥгыдемдыман.

Корныласе правилым пудыртымаш

Федеральный закон дене келшышын, полиций пашаеҥын шӱдымыж почеш транспортым чарыдымылан водитель-влаклан 7 гыч 10 тӱжем теҥге марте штрафым пыштен кертыт. Ончыч тыгай йодмашым пудыртымылан штрафын кугытшо 500-800 теҥге лийын. Транспортын нелытше да кугытшо шотышто тергымашым эрташ келшыдымылан штраф 600 тӱжем теҥгеш шуын. 

Службым эртыме радам

Йот элын военный еҥже-влак шке порысыштым чрезвычайный але военный положений годым да вооруженный конфликт жапыште веле огыл, мобилизаций годымат шуктен кертыт. Тыгай пунчалеш Россий Федерацийын Президентше кидпалыжым пыштен. 

Турбизнесым саемдат 

Россий Президент Владимир Путин гид ден экскурсовод-влаклан шке пашаштым кӱлешан ямдылалтмашым эртыме деч посна шуктымылан, турист-влакым вераҥдыме правилым пудыртымылан, тыгак унагудо ден экскурсий дене кылдалтше тӱрлӧ услуга нерген чын огыл уверым вераҥдымылан административный мутым кучаш шогалтыме нерген законым пеҥгыдемден, увертара «Башинформ».