-27 °С
Пылан
Все новости
Саман увер
18 Апрель , 10:35
Мемнан сылне вургемна
Калык вургем - тиде калыкын историйже, тӱвыраже, илышыже. Нефтекамск оласе 39-ше йочасадысе 26-шо группышто Калык вургем кече лӱмеш тӱрлӧ мероприятийым эртарышна. Этнотӱвыра лукым уэмдышна, «Калык вургем» папкым, йоча сылнымут литератур выставкым ямдылышна.
Авторын колтымо фото-влак.
Йоча-влаклан мемнан республикыште илыше калык-влакын вургемышт нерген тӱрлӧ модыш гоч умыландарена. Икшыве-влак, калык вургемым кидышт дене кучылт ончен, тудын моторлыкшым шижыт, а чиен шогалмек, куанен йыр пӧрдыт.
Тиде гана нунын дене кагазыште марий да татар вургемым сӧрастарышна. Эркын-эркын марла мурашат туныктена, семӱзгар денат палдарена.
Мемнан деке Уфа гыч «Башкир-влакын тӱнямбал курултайышт» мер ушемын еҥже-влак унала тольыч. «Акбузатын» тӱҥ редакторжо йоча-влаклан журналын у номержым кучыктыш.
Тыге ме тӱрлӧ калык гыч улшо икшыве-влакым изинек икте-весым пагалаш, мемнан кундемыште илыше калык-влакын вургемыштым ойыркален палаш туныктен куштена.
Новости партнеров