+14 °С
Облачно
Саман увер
9 Апреля 2025, 07:31
Геномный рӱдерым почыныт
Уфаште тӱнямбал кӱкшытан Евразийский научно-образовательный рӱдерын (НОЦ) Вуз-влак кокласе студент кампусшын Геномный рӱдержым почыныт. Тудым чоҥаш «Молодёжь и дети» нацпроектын «Создание сети современных кампусов» федерал проектше йӧным ыштен.
БР Вуйлыкын сайтше гыч налме фото.
«Башкортостаныште наукым вияҥдыме сомыл писын ворана, тидым чылан ужына. Туге гынат чарныман огыл - ончылно шуктышаш паша эше шуко. Палемдыме жапыште студент кампусын кокымшо йыжыҥжым чоҥен шуктыман. Геномный рӱдер - тиде моткоч сай объект, наукын инфраструктурыжым вияҥдаш полшышо кугу ошкыл. Тыште ме генетикым да цифровой технологий-влакым иктыш ушышна, молан манаш гын, данный-влаклан обработкым ыштыде, генетический шымлымаш-влакым эртараш ок лий. У зданийыште тыгак «Школа 21» объектым почына, тушто самырык-влакым кызытсе жапын йодмашыжлан келшыше цифровой технологий-влаклан туныкташ тӱҥалына», - каласен Башкортостан Вуйлык Радий Хабиров.
БР Вуйлыкын сайтше гыч налме фото.
Геномный рӱдерым компьютерный техника, тӱрлӧ кӱлешан оборудований, лабораторий, сервер да научный шымлымашым эртараш полшышо техника дене йӧнештареныт. Генетика институтын вуйлатышыже Эльза Хуснутдинован мутшо почеш, у рӱдер информатика да искусственный интеллект полшымо дене моткоч шуко генетический данный-влаклан анализым ышташ йӧным пуа. Тидыже медициныш да ял озанлыкыш ончыл, виян технологий-влакым шыҥдарымаште - ешартыш кугу ошкыл.
