+22 °С
Облачно
Саман увер
8 Апреля 2025, 10:33
Ӱдырамаш-влак икте-весым паша опыт дене палдареныт
Республикынан йӱдвел-касвел ужашыштыже (Агидель, Нефтекамск олала, Аскын, Балтач, Благовещенск, Бирск, Бурай, Калтаса, Караидель, Краснокам, Мишкан, Татышле, Янаул район-влак) пашам ыштыше Ӱдырамаш советын еҥже-влак Мишкан селаште эртарыме зональный семинарыш чумыргышт. Тудын темыже тыге йоҥген: «Советы женщин - дела, заботы, перспектива».
Авторын колтымо фото-влак.
Погынымаште СВО-н участникше-влакын, тыгак шуко икшыван еш-влаклан, кугурак тукымлан социальный полышым пуымо, агропроизводство дене кылдалтше пашаште ӱдырамашын верже нерген да моло йодышым тарватышна. БР Наукын сулло пашаеҥже, медицина наука доктор, профессор Н.Н. Егорован лекцийжым колыштна. БР Ӱдырамаш ушемым вуйлатышын алмаштышыже З.С. Исмагилова районла ден олалаште салтак-влакын ешышт дене пашам ыштыме нерген ойлыш, Мишкан районысо Ӱдырамаш советым вуйлатыше Т.А. Кондогина паша опытшо дене палдарыш, Янаул районысо Ӱдырамаш советым вуйлатыше
И.К. Проскурякова грант-влакым налме конкурсыш ушнымо, Башкортостан Республикысе Ӱдырамаш ушемым вуйлатышын алмаштышыже-влак Ш.Ш. Каримова ден А.Г. Еникеева 2025 ийыште шуктышаш паша нерген каласкалышт. Семинар годым «Медиативная техника рисования», «Носки солдату», «Армейский душ», «Подкова», «Плетение маскировочных сетей» да моло мастер-класс-влакым эртарышт.
