Христос шочмо кугу событийым уло тӱня пайремла

А те паледа, ялыште, йомакысе персонаж- влак йолын огыт кошт портышкемым нӱжен. Нуно ял мучко имне дене веле кудалыштыт. Вот и мемнан черке декат Йӱштӧ Кугыза ден Лумӱдыр шке кучер дене имне терыште веле шинчен тольыч. Тыгай вучыдымо толын лекмышт йоча- влакым веле огыл, кугурак еҥымат ӧрыктарен. Чыланат куаненыт: ик ияш ньогажат, 90 ияш коважат!

Пайрем уремыштак эртен, ала Йӱштӧ Кугыза ынже шуло манын, ала чылан ёлко йыр куштынешт ыле. Тыге гынат, кылмаш жап лийын огыл, чыланат муреныт да куштеныт. Кылмаш тӱҥгалше йолташ-влакым Лумӱдыр шижын, да вигак тӱрлӧ модыш-влакым эртарен. Йоча- влакат шке моштымашыштым Йӱштӧ Кугызалан куанен ончыктеныт: муреныт, куштеныт, почеламутым шукышт ямдыленыт. Кугурак еҥжат вараш кодын огытыл, чылт концертымак ончыктышт. Йӱштӧ Кугыза ден Лумӱдыр тыршыше- влакым конфетке деч посна коден огытыл.

Пайрем пытымеке благодарственный мурым чылан муреныт. А пӧлӧкым шокшо черке пӧлемыште поро уна- влак ласкан, саламлен кучыктеныт.Чайымат ик ӱстелтерыш шинчын йӱыныт, Юмым шарналтен тауштеныт.

Пайрем весела да поро кумыл дене эртен. Уло ял калыкын вийжым иктеш чумырен, чыланыштым авалтен. Эн ончыч мемнан черкын вуйлатышылан Александров Василий Алексеевичлан тау мутым ойлена. Тудо мемнам вӱден шога да эре полышым пуа. Клуб пашаеҥ-влакланат тау, эреак полшен шогат. Ял калык, кӧ мо дене кертын полшен, кӧ черкым да черке кудвечым арун кучаш полшен, кӧ сорастарен, а кӧ пайремым вӱден. Кажнылан тау!!! Чыландам Рошто пайрем дене саламлем!