Газет молан кӱлеш?

«Эргым, тый географий дене сурт пашам ыштышыч?» - вигак йодым. «Уке, казыр ыштем», - вашештыш. «Я, ончыкто, мом ыштыман?» - йодым. Эргым учебникшым почо. А тушто тыге возалтын: «Выберите любую газету. Выпишите все встретившиеся вам географические термины и названия. Систематизируйте их в группы: а) здесь я побывал; б) об этом часто слышал; в) слышу это впервые; г) очень хочу побывать; д) здесь живут мои родные, друзья; е) другое. На основе проделанной работы сформулируйте ответ на вопрос: как в повседневной жизни человек сталкивается с географическими знаниями?»

«Эше туныктышо газетын лӱмжым да номер ден лекме кечыжым ончыкташ кӱштыш», - мане эргым да, газетым налын, возаш тӱҥале. Кид йымалне газет уло гын, тиде пашам ышташ нимо йӧсыжат уке. А чатыште молан каҥашаш тӱҥалыныт, шонеда? Южо суртышто ик газетат уке… А те могай газетлан сералтында?