Диктант «Калык шуко - элна икте!» девиз почеш эрта. Тудын заданийже-влакым тест семын ямдыленыт. 20 йодышыжо чылалан икгай, уло эллан келыштарыме, 10 йодышыжо диктантын региональный ужашыжлан шотлалтеш, Россий Федерацийын кажне субъектшылан ойыртемалтше. Йодыш-влаклан чын вашештымылан эн шукыжо 100 баллым погаш лиеш. Диктант 45 минут шуйна. Тудым возымо нерген электрон сертификатым сайтыштак налаш лиеш.