Йоча муро да патриотизм

Палемдаш кӱлеш, йочалан произведенийым ышташ - куштылго паша огыл. Но совет жапыште тиде сомыл сайын воранен, лектышыже поян лийын. Тунам возымо йоча муро-влакым кызытсе ӱдыр-рвезе-влакат, ава-ачаштат, кова-кочаштат йӧратат, а «композитор-влак» тӱрлӧ семын уэмдаш толашат.

Пытартыш ийлаште патриотизм нерген шуко ойлат, школышто самырык тукымым шочмо элым, калыкым, йылмым йӧратен туныкташ ӱжыт. А тиде жапыште возымо патриотизм шӱлышан мурыжым парня дене шотлаш лиеш. Татар, башкир мурым марий йылмыш кусарат. Тидым тӱрлӧ еҥ шке семынже умыла: икте калык-влак коклаште келшымаш, вес калыкын культурыжым пагалымаш манеш гын, весе «Тиде плагиат. Шкендан мурым ышташ ӱнарда уке мо?» - йодеш.

Теве тыгай мемнан кызытсе культурына: совет жапыште ыштыме кином угыч сниматлаш, сай мурым «уэмдаш», еҥын ямдыжым солалташ… Тыгай культурын ончыкылыкшо могай гын?