Башкортостан Вуйлыкым сайлымаш нерген

Пӧлек модмашым эртарат

Сайлымаш кечылаште Башкортостан Республикысе «Алга-патриот» спорт да патриотизм рӱдер «Рахмат - 2024» акцийым эртара. Участкыш йӱклаш мийыше кажне еҥлан ойыртемалтше кодан билетым пуат, пӧлек модмашыш ушнашлан рахмат102.рф сайтыште регистрацийым эртыман. Приз-влак тыгай лийыт: квадроцикл, мотоцикл, велосипед, электросамокат, телевизор, ноутбук, планшет, телефон да робот-пылесос-влак.  

Пӧлек модмашым кечеш кок гана - 6 сентябрьыште 14.00 да 20.00 шагатеш, 7 сентябрьыште 14.00 да 20.00 шагатеш, 8 сентябрьыште 14.00 шагатеш - эртарат. Сеҥыше-влак дене рахмат102.рф сайтыште палдарат. QR-билетым 30 сентябрь марте аралыман. 

Регистрироватлыме чыла билет тыгак 13 сентябрьыште БСТ-ште вияш эфирыште эртарыме «Зур Рахмат» суперпризым модмашыш ушна. Тӱҥ приз - кум пачер, машина, уло ешге Сочиш путешествий, Башкортостанысе санаторийла ден каныме пӧртлаш путевка-влак. 

Мӧҥгыштат йӱклаш лиеш

Илалше, черле, тыгак нуным ончышо еҥ-влак мӧҥгыштӧ йӱклен кертыт. Тидлан шке участковый сайлыме комиссийыш 8 сентябрьыште 14.00 шагат марте йодмашым пуыман (возашат, йыҥгырташат лиеш). Тыгай еҥ деке палемдыме жаплан йӱклашлан кусарен кондыштарыме яшлык дене сайлыме комиссийын еҥже-влак мият. 

Сайлымаш деч вара отставкыш каят

8 сентябрь деч вара сайлыме комиссий йӱклымашым официально иктешла. Тыгак тунам инаугурацийын кечыж дене палдара. Тушто республикын сайлыме вуйлыкшо кок йылме дене калыклан да Россий Федерацийын, Башкортостан Республикын Конституцийыштлан ӱшанле улмо шотышто присягым пуа. Тылеч вара тудо должностьыш официально шогалеш, а Правительство отставкыш кая - закон тыге шӱда.     

Йодыш уло гын, кушто рашемдаш? 

*Башкортостанын Рӱдӧ сайлыме комиссийжын «шокшо линийже»: 8-800-347-54-54

*Рӱдӧ сайлыме комиссийын официальный сайтше: bashkortostan.izbirkom.ru