Августысо Спас-влак нерген

«Спас» шомак кок значениян. Икымшыже «запас» гыч лектын. Тиде кече деч вара калык шкаланже кӱлешым ситышын ямдылен. Вес значенийже православий ден кылдалтын, «Спаситель» мут гыч лийын. Юмо-влак тиде кече деч вара чотрак перегаш тӱҥалыт. 

Икымше - Мӱй Спас - 14 августышто эртаралтеш. Тиде кече деч вара пушеҥге гыч караш мӱйым налыныт (бортничество). Яллаште омартан «магазинжым» луктеденыт, уке гын мӱкш падевый мӱйым пога. Телылан мӱйым ситареныт. 

Кокымшо - Олма Спас - 19 августышто лиеш. Тиде кече деч вара олма гыч тӱрлӧ там-тӱмым (олмагиндым, вареньым, джемым, компотым) ямдылат, коштат. 

Кумшыжо - Кинде, але вес семынже Пӱкш Спас. Тудым 29 августышто палемдат. Пӱкш уло гын, шкаланетат, уналанат ситышашлык погыман. Тиде кече деч вара идымыште шурным шияш тӱҥалыныт. 

Кум Спас годымат тынеш пурышо-влакын погымыштым шнуй вӱд дене чывылтеныт. Тылеч вара тудым кучылт кертыныт.