Ямаевмытым ялыште пагалат

Тынар жапыште йӱштымат, шокшымат ужыныт, но Юра ден Полина вуйым сакен огытыл. Ешым погымек, моло семынак сурт-оралтым чоҥен, вольыкым ончен, пашам ыштен иленыт. Юра Калинин лӱмеш колхозышто бригадирлан, технический пашам виктарыше специалистын полышкалышыжлан, трактористланат ыштен, а Полина 29 ий райпошто лапкызе пашам шуктен. Кум икшывым ончен куштеныт. Саша эргышт ешыж дене Пӱрӧ олаште ила, Йӱдвелне пашам ышта. Валерат ешым поген, ача-ава суртыштак ила гынат, тудат ӧрдыж верыш пашаш коштеш. Лариса ӱдырышт Сургут олаште ешым чумырен.

Ямаевмытын ешыштым ялыште пагалат. Еш идалыкыште пырля илымыштлан черетан йыргешке татыш шумышт дене нуным шокшын саламлена, ончыкыжымат татулыкым да келшен илымым молыланат пример семын ончыктен шогышт да таза, кужу ӱмыран лийышт манын тыланена.