Башкортостанын Вуйлыкшо Радий Хабиров Нефтекамскыш толын

Кодшо арнян, 17 июльышто, Башкортостанын Вуйлыкшо Радий Хабиров Нефтекамскыш толын каен. Паша визитшым Нефтекамск автозавод гыч тӱҥалын. Радий Хабиров да «КАМАЗ» ПАО-н («НЕФАЗ-ат» тушко пура) генеральный директоржо Сергей Когогин автобусым, самосваллан кузовым ыштыме линий-влакым ончен савырненыт (снимкыште), пассажир машина-влакым лукмо куатым вияҥдыме инвестпроект дене палыме лийыныт. Тыште автобус каркас-влаклан сваркым ыштыме да погымо роботизироватлыме комплексым пашаш колтынешт. Тыге 2026 ий гыч завод идалык жапыште 3 тӱжем пассажир машинам луктын кертеш.

БР Вуйлыкын официальный сайтше гыч налме фото.

Республика вуйлатышылан предприятийыште лукмо ӱлыш кӱваран «КАМАЗ-4290» автобусым, вахтылан ыштыме «КАМАЗ-6250» автомобильым ончыктеныт. Радий Хабиров тысе уэмдыме пашам да заводын у разработкыжо-влакым кӱкшын аклен, нунын сай качестван, конкурентоспособный улмыштым палемден, Башкортостан Республика ден «КАМАЗ» ПАО коклаште умбакыже вашкылым вияҥдыме йодышымат каҥашеныт. Кугу проект-влак кокла гыч иктыже - Нефтекамск автозаводым модернизироватлымаш да идалыклан 3 тӱжем пассажир автобусым лукташ тӱҥалмаш. 2024 ийыште 2,3 тӱжем автобусым лукташ палемдыме.

Тыштак производствылан пашаеҥым ямдылыме йодышымат каҥашеныт. Автогигантын кум предприятийышкыже - Нефтекамск автозаводыш, Туймазасе автобетоновозым лукшо заводыш, Белебейысе «Автонормаль» заводыш 600 утла еҥым пашаш налнешт.

Радий Хабиров тыгак полимер смола-влакым лукшо «Аттика» компаний тӱшкаш, Бирск медколледжын Нефтекамск филиалышкыже, СВО-н участникше-влаклан да нунын ешыштлан полышым пуышо рӱдерыш миен, пакчазе-влаклан шке ончен куштымо пакчасаскаштым ужалаш ыштыме изи пазар-влакым ончал савырнен.

Автор:Энна Губаева

Тегом:нефтекамск

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».