«Пеледыш чонем куандара…»

Тушто могай гына пеледышым от уж: ковыраланен пеледше роза, тутло пушым шарыше нарынче, ал лилий-влак, тӱрлӧ сорт петуний, ныжыл маргаритка, молыжат… 

«Пеледышым моткоч йӧратем. Нунын пеледмыштым ужын, кумылем нӧлтеш, чонем куана. Кажне пеледыш шке семынже мотор, йырым-йыр тӱрлӧ тӱсым шара. Кажныжын шке жапше уло. Эр шошым ик тӱрлӧ пеледыш-влак шинчам куандарат гын, варарак вес тӱрлыжӧ пеледалтеш. Пеледыш - кеҥежын ик эн мотор поянлыкше. Лум толмешке, эше ятыр пеледыш мемнам куандараш черетшым вуча», - ойла Надежда Павловна.