Ир емыжым погаш ида ӧркане!

Маядык воктенсе вер-шӧрлаштат ир емыж шуко. Тиде мӧр, олма, локама, ломбыгичке, пызлыгичке, полан, пӧчыж, снеге, чодыра эҥыж, чодырасе але арамасе шоптыр, шемэҥыж, шымаш. Погаш гына ит ӧркане!

Пытартыш ийлаште сад-пакчаштат тӱрлӧ емыжым куштат гынат, садак чодыра емыж тамлырак да кап-кыллан пайдалырак.

Ир емыжын пӱртӱс лоҥгаште, экологически ару, техника амыртыдыме верыште (корно воктен да промзонышто кушшым тышке огына пурто) кушмыжлан кӧра натуральный компонентше шуко. Тӱрлӧ чер-чур да паразит-влак ваштареш химикатым шавыме огыл, садлан тушто неле химический элемент-влакат уке улыт. А вийым пуышо витамин ден минералже шуко, садлан пушыштат виянрак да тутлырак. Поген гына толмо емыжын пушыжлан мо шуэш?

Но ир емыж пакчаште ончен куштымо деч изирак, тудым кужашрак погыман. Ончычрак погымо лӧза емыжше эзылен, кечаныште пужлаш тӱҥал кертеш. Садлан погымо деч вара емыж гыч тӱрлӧ вареньым, джемым, пастилам писынрак ямдылаш кӱлеш. Тыге витаминже шукырак аралалт кодеш.

Палыме верлашкыда емыж погаш кошташ ида ӧркане. А телым, ты жапдам порын шарналтен, тамле чайым подылыда.