Акпарсыште тудым ӱдыр-рвезе-влак шкеак организоватленыт: верым ямдыленыт, гирлянда-влакым сакаленыт, порядкым эскереныт.
Дийыныш моло ялла гычат уна, родо-шочшо, марлан кайыше ӱдыр-влак ешышт дене толыт. Тиде гана диджей Александр Захаровын пайрем шӱлышым ешарен шогымыж почеш самырык-влак кок кече веселитлышт, мурышт да куштышт. Кок кечыжат еҥ шуко погынен ыле. Чылажат сайын эртыш. Самырык-влаклан полшымыштлан Акпарс ялсовет вуйлатышылан да У Тавлар ялысе клуб вуйлатышылан таум ойлена.