Наркотик дене аяргаш тӱҥалше айдемым мо палдара?

* Айдеме начарын тунемаш, пашам ышташ тӱҥалеш. Тунеммаштыже нелылык шижалтеш, тунемаш кумылжо йомеш (тыгай вашталтышым эн ондак туныктышо-влак шекланат) але айдеме тунеммашке, пашашке чӱчкыдын вараш кодын мияш тӱҥалеш, кечыгут нойышыла коеш, молгунам шуктымо сомылжо деч йӱкша. 

* Тӱжвал тӱс, сын-кун вашталтыт. Ондак эре чаткан, арун чиен коштшо еҥ трук лювыкын чияш, лавыра вургем дене кошташ тӱҥалеш.

* Койыш-шоктышыжо вашталтеш. Эре мутланыше айдеме трук шагал мутланышаныш савырна, жапшым шкетын эртараш тырша.

* Еҥ-влак дене кылым кучымо шотшо вестӱрлемеш: эре пырля мутланыме, жапым кужу жап пырля эртарыме тӱшка деч кораҥеш, лишыл йолташ-влак деч амал деч посна торла. 

* Айдемын нойышо улмыжо палдырна. Эреак шуктен шогымо физический сомылым ышташ вийже ок сите, шагал тарванылеш. 

* Тудо трук оксам шуко пытараш тӱҥалеш, молгунам кучылтмо оксаже ок ситыла чучеш, шийвундым чӱчкыдын кӱсын налеш. 

* Окса дене пайдаланымаште нелылык шижалтеш - айдеме молгунамсыла пачерлан арендым, тӱрлӧ счет-влакым тӱлаш йӧслана. 

* Аппетитше начаремеш, тидлан кӧра нелытым йомдара, кап-кылже явыга.

* Тӱжвал тӱсшӧ ярнышыла коеш: чурийже шупшылалтеш, шинчаже йошкарга, коваштын тӱсшӧ шапалга;

* Уда койышыш пурен кайыме нерген мутланымашым тарватыме годым наркотикын вапшышкыже логалше айдемын шкем аралыме реакцийже «помыжалтеш»: тудо трук шыдешкаш тӱҥалеш але, мӧҥгешла, мутланымашым писынрак вес йогыныш савыралаш тырша. 

Палаш уто огыл 

Республикысе клинический наркологий диспансерын шокшо линийже:

+7 (347) 266-03-88,

+7 (929) 75-60-353.

Паша жап: 8.00 шагат эр гыч 17.00 шагат кас марте.