Конкурсыш йочасад, школ коллектив-влак, «Ош пеледыш» калык ансамбль да пенсионер-влак рӱж ушнышт. Мурышо, куштышо, почеламутым лудшо-влак, инсценировкышто модшо-влак усталыкыштым, чолгалыкыштым ончыктышт. Концерт мучко экраныште темылан келыштарыме презентацийымат ужаш лийын. Фестиваль лӱмеш школын фойештыже Кугу Сеҥымашлан келшыше выставкымат ямдыленыт.
«Сеҥымаш салютын» программыже пеш сай ыле. Тудым Усола клубын вуйлатышыже Л.М. Шамыкаева пеш тыршен ямдылен. Вес тыгай концерт Чалмалы ял поселенийыште эртаралтеш. Эстафетым нунылан кучыктымо.