Марий калык кочкышым тамлышт

Нефтекамск оласе реабилитаций рӱдерыштат тӱрлӧ черан, тӱрлӧ верла гыч толшо йоча-шамычымат илышыште кӱлешан пашалан кумылаҥдат да туныкташ тыршат. Шукерте огыл йоча-влакым марий тӱвыра дене палдарышт, шканыштак марий подкогыльым ыштыктен, тамлен ончышт. Ондак подкогыльын историйже дене палыме лийыч, вес калык кочкыш дене таҥастарышт. Вара уло кумылын пашалан пижыч. Тӱшка дене тыршымаште икте-весым пагалыме, полшаш шонымо кумыл вияҥеш. Тыге йоча тӱрлӧ тӱвырам, койыш-шоктышым ужын мошташ да аклаш тунемеш. Икманаш, рӱдерыште йоча-влакым изинек пашалан кумылаҥдат да туныктат. Тӱшка пашаште вий ешаралтеш да весела кумыл волгалтеш.