Наркотик дене ончыкылык уке

Самырык-влак южгунам ава-ача дене ик ойыш шуын огыт керт але илышыште нелылык дене тӱкнат гын, тудым наркотик полшымо дене куштылемдаш, «эмлаш» тыршат. Южиктыже «Мый начар омыл, тиде черым сеҥен кертам» манын шона. Но кеч-могай пеҥгыде койышан айдемым тудо йол ӱмбач «сӱмыра». Жап эртымек, наркоман преступникыш савырна: пашам ышташ ӱнарже ок лий, у дозылан куштылгын оксам муаш манын, шкаланже гына огыл, обществылан эҥгекым конда. Садлан тыланда наркотикым темлыше еҥлан «Уке!» манын моштыман. Айдеме наркотик деч поснат илышыште вашлиялтше нелылыкым сеҥен кертеш, а наркотикыште ончыкылык уке.