Емыжым ош тасма гыч отбеливатель дене, чиян тасма гыч лимон кислота полшымо дене але шинчал ден йӧрымӧ лимон кислота дене мушкын колтыман.
Ликер, помидор палым лукташ нашатыр спиртым ешарыме леве вӱд полша.
Духи палым, водород перекисеш нӧртен, вӱд да уксус дене мушкын колташ лиеш.
Рӱдаҥме палым вӱд да аммиак (1:6) дене мушкын колтыман.
Вӱр палым йӱштӧ але леве вӱдеш йӧрымӧ винный кислота дене мушман.
Пӱжвӱд палым аммиак ден вӱдеш йӧрымӧ тампон дене ӱштылман.
Йод палым нашатыр спиртеш нӧртымӧ мамык дене кораҥдыман.
Шудо палым шинчал да лимон сок вартыш дене лукташ лиеш.
Чернила палым спирт лукташ полша. Тудын дене эрыктымеке, почешыже вургемым вӱд дене мушкын колтыман.
Шыштым, парафиным ондак кӱзӧ дене нӱжалтыман, вара тасмам, кагаз коклаш пыштен, утюг дене гладитлыман, мушман.
Йошкар арака палыш шинчалым пыштыман да мушкын колтыман.