Ош лум шинчавӱдым йоктара

Кажныже ош пеледыш гай чевер чылдаран. Мыланем нуно я ойганен чоҥештылшыла але, изи чинче падырашла йолгыжалтын, лум ора ӱмбак ныжылгын вочшыла чучыт. Мардеж йогышо лумым шокшын-йӱштын але осалын пуал колта. 

Пӧрдын йогышо лум кенета пушеҥге воштырыш логале - шинчавӱд семын шырчен йоген кайыш. Но мардеж шинчавӱдшым тыманмеш коштыш. 

Леве шошо кечын лум пырче-влак, изи гына мотор ийсӱс йорва лийын, кеч изиш кужашрак илаш тӧчат. А вара, изэҥерла йоген каен, мландылан вӱдыжгым пуэн, айдемын, кушкылын, янлыкын, шукш-копшаҥгын да молын ончыкылыкышт верч кучедалыт. Тыге шошо эрдене ик жап гына йогышо лум, яндар шинчавӱд гай вӱдыжгыш савырнен, мландылан вийым, полышым пуыш. Ончыко - вес гана савырнен толмешке.