Иран дене вашкыл вияҥеш

Нунын да мемнан экономикынан структурышт икгай. Тыште ме икте-весылан мом-гынат уым ешарен кертына. Башкортостанысе калыкымат Иран дене кумданрак палдараш шонымаш уло. Садлан тыште туризм йодышат ончылно лиеш: Уфа - Тегеран вияш рейсым почмо нерген кутырена», - рашемден Радий Хабиров.

Ираныште делегат-влак экономический йодыш шотышто вице-президент Мохсен Резаи, тӱрлӧ министр да кугу компаний-влакын вуйлатышышт дене вашлийыныт, промышленный, тӱвыра да историй объект-влакым ончен савырненыт, Башкортостанын инвестицийже дене палдареныт, тыгак нефтепромысловый оборудованийын технологийже, нефтьым лукмо, перерабатыватлыме сомылышто научно-образовательный вашкылым вияҥдыме, фармацевтика, чоҥымо бизнес, кугу инфраструктурный корно проект-влакым илышыш пырля шыҥдарыме нерген каҥашеныт. Иран ден Башкортостан коклаште сатум ужалыме ак 100 миллион долларыш шуэш.