- Тый мо, шем маска, мыйын мландыштем коштат? - шыдын йодын ош маска.
- Кунам тыйын мландет лийын? Тыйын верет - теҥыз! Мландет - ий! - вашештен шем маска.
Тунам нуно ваш пижыныт, кредалаш тӱҥалыныт. Туге гынат икте-весыштым сеҥен кертын огытыл.
- Тый, ош маска, мый дечем виянрак улат улмаш, - ончыч пелештен шем маска. - Мый чолгарак да чулым улам, сандене иктынат огеш сеҥе. Ме коктын мом пӧлена вара? Тый денет изак-шоляк улына ласа.
- Чын, ме иза-шольо улына. Мыланна нимом пӧлаш, - вашештен ош маска.
- Мыйын чодырам кугу. Тыйын ийыштет мылам нимом ышташ, - манын шем маска.
- Мылам тыйын чодыраштет нимом ышташ, - пелештен ош маска.
Тиддеч вара шем маска чодыраште, а ош иза-шольыжо теҥызыште илат. Иктат икте-весыжлан ок мешае.