О калыкна! Элна! Лийза куатле!

Ме ийготым ӧрын шотлена.

Вашке толеш У ий -

                                  у корно ямде,

Мо дене мемнам ӧрыктара?

Да кажныжын тыланыме

                                     пӧлекше

Кызытсе саманжылан кӧра.

Мо шергакан тӱняште -

                                 пала кажне,

Кӧн чон кумда - элже верч йӱла.

Кӧ умыла, молан ила

                                тӱняште,

Илыш верч шке чон пуаш реза.

О калыкем! Элем! Лийза  

                                       куатле!

Тыланет кӧра ила тӱня.

Вет тыйын шонымет, пашат 

                                        суапле,

Тукым тый денетше кугешна.

У ий конда тек

                        волгыдо пиалым,

Сеҥымашым тыныс илыш верч.

Тек ок шорт ава,

                             ончен касвелыш,

Сӧй пасушто йомшо шочшыж верч.