Пӧръеҥ-влак, ау!

Тунамак вуйыштем моло йодыш шочо. А пелашышт кушто? Молан ӱдырамаш-влак автомашинам виктарат? Икшывым йочасадыш да школыш ужатыше, уремыште машина дене коштшо-влак утларакшым ӱдырамаш улыт. Эсогыл пайрем годым «Кандырам» «пунышо-влакат» алын-гӱлын гына койыт - чыла ӱдырамаш. Пӧръеҥже кушто ала? 

Чын, кызыт ӱдырамаш шукыж годым чыла сомылым шке вачымбакше налеш. Шкетынак сурт-вольыкым онча, икшывым кушта, пашаш коштеш. Тугеже, пӧръеҥ-влаклан мом ышташ кодеш? Пашаш каяш…