Ялыштат «фитнес клуб» уло

Марлаш кусараш гын, сай кап-кылан лиймым ончыкта. Пеҥгыде да таза кап-кылан лияш физкультура ден кылым кучыман, тӱрлӧ упражненийым ыштыман. Олаште илыше-влак, оксам тӱлен, лӱмын фитнес клубыш коштыт гын, ялысе калыкынат «фитнес клубшо» уло. Тудым «пакча» маныт. Нимогай оксам тӱлаш ок кӱл. Май гыч сентябрь тылзе марте пӱртӱс абонементым пуа. Садлан, кӧн йӧнжӧ уло, тиде кечым сайынак палемдыза. Пареҥгым шолтыза, пакча емыж гыч салатым да шоптыр гыч ыштыме тамле йӱышдам лукса. Тыге кеҥежым кузе эртарымыдам иктешлыза.