Все новости
Саман увер
18 Ага 2022, 11:07

Башкортостан ден Узбекистан вашкылым вияҥдат

Тиде кечылаште Башкортостан Республикын делегацийже паша визит дене Узбекистан Республикыш миен. Тӱҥ сомыл - кок кундем коклаште торгайыме да экономикым вияҥдыме шотышто вашкылым ыштымаш, икте-весе коклаште паша опытым вашталтымаш. Республикысе бизнес-сообществын еҥже-влак Узбекистаныште деловой вашлиймаш-влакым эртареныт, тӱрлӧ объектлаште, мутлан, Наманганский областьысе емыж саскан сатум ончен куштышо GOLD FRESH FRUITS (GDF) агрохолдингыште лийыныт, тусо пищевой промышленностьын ойыртемже дене палыме лийыныт.

БР Правительствын сайтше гыч налме фото. Узбекистан кундемыште.
Узбекистан кундемыште. Фото:БР Правительствын сайтше гыч налме фото.

Официальный визит жапыште Башкортостанын предпринимательже-влак Узбекистан дене торгайыме-экономический вашкылым вияҥдыме шотышто шым соглашенийым пеҥгыдемденыт. Кутырен каҥашыме почеш Башкортостан Республикыш Узбекистан гыч свежа да коштымо пакчасаскам, томат пастым, левыктыме чойн гыч ыштыме сатум колташ тӱҥалыт, а Башкортостан вес кундемыш ложашым, кечшудо ӱйым, макароным, сакырым колта, увертара БР Правительство. «Тиде вашлиймаш кок республикын бизнес-сообществыштлан кужу жаплан икте-весылан пайдале вашкылым вияҥдаш негызым ышта манын ӱшанена», - палемден Башкортостан Республикысе торгайыме сомыл да услуго-влак министр Алексей Гусев. 

Эртыше идалыкын лектышыже почеш Башкортостан ден Узбекистан республика-влак кокласе товарооборотын кугытшо 113,3 миллион долларыш шуын (экспорт - 97,6 млн $, импорт - 15,7 млн $).

Автор:Людмила Шавалиева
Читайте нас: