Акций мӱндыр ялла ден селалаште калыклан медицина полышым налаш, хроническийыш каен кертше чер-влакым жапыштыже пален налаш йӧным ышта. Медик-влакын бригадыштышт тӱрлӧ профилян специалист-влак пашам ыштат. Тиде йӧн дене пайдаланен, ялысе калык медосмотрым эртен, специалист-влак деч кӱлеш консультацийым налын кертеш. Автопоездлаште Тазалык рӱдер, флюорограф, маммограф, Г.Г. Куватов лӱмеш республикысе клинический больницын, республикысе кардиологий рӱдерын диагностика рӱдерже-влак пашам ыштат.
Автопоезд-влак Уфимский, Дуван, Нефтекамск, Октябрьский, Стерлитамак да Белорецк маршрут-влак дене корныштым виктарат. Нефтекамск маршрут 18-22 апрельыште Бирск районышто пашам ышта, увертара БР Тазалык министерствын пресс-службыжо.