Шийвундым кузе пӧртылташ?

Те пачерым але пӧртым, фитнесыш абонементым налында, ачалыме пашам шуктеда, тунеммылан, эмлалтмылан тӱледа гын, кугыжаныш роскотдан ужашыжым пӧртылта. Тиде «налоговый вычет» маналтеш. Тудын нерген мом палыман?

Официальный паша верда лийшаш. Кажне тылзын бухгалтерий пашадарда гыч 13% НДФЛ-ым (налог на доходы физических лиц) кучен кода. Вычет - кунам тыланда тиде налогым пӧртылтат. Пашадарым «конвертыште» налыда але официально пашадымылан шотлалтыда гын, вычетым налаш ок лий: те налогым огыда тӱлӧ, садлан тыланда пӧртылташат нимом. Вычетын кугытшо пашадар деч шога.
Социальный вычет-влакым кажне ийын налаш лиеш. Тиде эмлалтмылан, тунеммылан да спортлан кучылтмо роскот. 2022 ий гыч тышке фитнесат ешаралтын. Чыла тидлан идалыклан эн шукыжо 15600 теҥгем пӧртылтат. Тӱҥжӧ - образований учрежденийын лицензийже але статусшым пеҥгыдемдыше вес документ, а эмлыме учрежденийын медицина услугым пуашлан лицензийже лийшаш. Мутлан, икшывын тунеммыжлан идалыклан 50 тӱжем теҥгем тӱледа гын, эн шукыжо 6500 теҥгем пӧртылтат.
Погылан вычетым илышыште ик гана веле налыт. Эн кугу вычетым пачерым налмылан да ипотекын процентшылан пӧртылтат. Пачерым але пӧртым налмылан 260 тӱжем, ипотекын процентшылан 390 тӱжем теҥгем пӧртылташ лиеш. Тидлан пачерын акше 2 миллион теҥге деч шерге лийшаш огыл (260 тӱжем - тиде 2 миллионын 13%-ше). Те 3 але 100 миллион теҥгеаш пачерымат налын кертыда, но вычетым кугыжаныш 2 миллион теҥге гыч веле пӧртылта. Ачалыме пашалан вычетым пачерым новостройкышто застройщик деч да отделка деч посна налме гын веле пӧртылтат. Чиста отделкан да первичный рынкыште, тыгак вторичный рынкыште налме кеч-могай пачерлан вычетым огыт тӱлӧ (Ужалыме-налме нерген договорышто пачерын отделка деч посна улмыжо палемдалтшаш).
Йодмашым онлайн йӧн дене пуаш лиеш. Налоговый вычетым ныл тӱрлын оформитлат.

Паша вер гыч.
ФНС-ын налог инспекцийже гоч.
Декларацийым фирма деч ыштен пуаш йодаш лиеш.
Интернетыште налогоплательщикын личный кабинетше гоч. Адресше: lkfl2.nalog.ru. Регистраций олмеш «Госуслуги» сайтысе учетный запись улмат сита.

Автор:«Башкортостан Республика» Издательский пӧрт ГУП гыч колтымо материал негызеш ямдылыме.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».