Печатный вариантше икымше гана 2008 ийыште 5000 экземпляр дене савыкталтын ыле, а кокымшо савыктышыже 2021 ийыште 2000 экземпляр дене лектын. Ынде кажне марий еҥ да моло калык гычат марий йылмым палыше айдеме, шымлызе, книгам оксала налде, Библийын тиде ик кугу ужашыж дене палыме лийын кертеш. У Сугыньын чыла книгажым аудио йӱкаҥдымым колышташ лиеш. Курык марий-влакат шке йылмышт дене смартфонышто лудын кертыт. Приложенийышт «У Согонь» маналтеш.. Тидлан Google Play Market магазиныште «КЫЧАЛАШ» корным муаш да тушан «У Сугынь» манын возаш кӱлеш. Вара окнаште лекше кӱлеш приложенийым шке телефонышкыда шындыман. Тиде приложенийым смартфонышто Андроидын 11 версийже гыч тÿҥалын вераҥдаш лиеш.