Ончыко пырля кайыман

21 апрельыште Россий Президент Владимир Путин РФ Федеральный Собранийым шке Посланийже дене палдарен.#Путин

«Тачысе Посланий тӱҥ шотышто элысе калыкын тазалыкшым аралыме, социальный политика, экономика йодыш-влак дене кылдалтын. Йот элла дене виктарыме паша да лӱдыкшыдымылык шотыштат икмыняр шомакым каласаш верештеш», - рашемден эл вуйлатыше.

Шке ойжым эртыше идалыкыште палыдыме, чот лӱдыкшӧ инфекций ваштареш кузе кучедалмым иктешлыме гыч тӱҥалын. Чер ваштареш тавадаҥ шогалше миллион дене еҥлан таум каласен. Мутат уке, тыгай савыртышыш логалмылан кӧра тазалыкым аралыме, вакцинаций йодыш-влак ончыл верыш лектыт.

Тений социальный блок моткоч виян лийын. Тыге 2021-ше ий 1 июль гыч тичмаш огыл ешыште кушшо 8-16 ияш икшыве-влаклан ешартыш оксам, неле илыш пӧрдемыш логалше нелашан ӱдырамаш-влаклан, ондакак учетыш шогалыныт гын, кокла шотышто тылзе еда 6350 теҥге дене, 7 ийым темыдыме черле икшыве дене мӧҥгыштӧ шинчыше ача-авалан, стажым ончыде, 100 процент пашадар кугыт больничныйым, августышто школыш коштшо, тыгак икымше классыш кайышаш икшыван еш-влаклан 10 тӱжем теҥге дене тӱлаш сӧрат. Ик гана тӱлымӧ оксам налаш МФЦ-ш але Пенсионный фондын пӧлкашкыже, соцзащита органлаш ик йодмашым пуымат але электрон йӧн дене колтымат сита, умыландарен Россий паша министр Антон Котяков.

Владимир Путин тыгак идалык мучаш марте турист семын элнам ужын коштшо еҥ-влаклан 20 процент оксаштым пӧртылтымӧ, 1 июль гыч диспансеризаций да профосмотр программа почеш кеч-могай ийготан еҥ-влакын тазалыкыштым тергаш тӱҥалме, регионлаш шукырак мобильный медицинский диагностический комплекс-влакым колтымо, икшыве-влаклан кеҥежым лагерьыште канаш кучылтмо оксан 50 процентшым пӧртылтымӧ, студент туризмым вияҥдыме шотышто пилотный проектым илышыш шыҥдараш шонымо нерген ойлен.

2022-шо ий гыч «Социальное казначейство» принципым вияҥден колтынешт. Тудо чыла федеральный пособийым, пенсийым, моло социальный надбавкым, инстанцийлаш куржталде, «ик окна» режим дене (ешым погымо, икшыве шочмо, пенсийыш лекме але моло амал лийме годым) тӱлаш йӧным ыштышаш.

2021-ше ий Российыште Наука да технологий-влак идалык семын эрта. В. Путинын мутшо почеш, наукын тӱнямбалне тӱҥ верыште улмыжым шотыш налын, 2024-ше ий марте гражданский, ты шотыштак фундаментальный, шымлымаш-влаклан федеральный бюджет гыч 1 триллион 630 миллиард теҥгем ойырат, тений гыч элысе субъектласе 100 деч шагал огыл вузлан студенческий технопарк, бизнес-инкубатор-влакым почаш, туныктымо лабораторный базым да программым уэмдаш 100 миллион теҥге да туддеч кугурак грантым пуэдаш тӱҥалыт, шушаш кок ийыште вузлаште 45 тӱжем бюджет верым (70 процентшым - регионлаште) ешарен почыт.

«Элна ончык кая, но тыгай ошкылым Россий Федерацийысе регион-влак вияҥме годым гына шижаш лиеш. Шке кундемыштым ончык колташ тыршыше вуйлык-влакым кумылаҥдаш тӱҥалына, шке ӱмбакышт ответственностьым налше да кундемыштым тӱзаташ виктарыме проектым илышыш шыҥдараш тӱҥалше-влаклан полшена. Ӱшанем, Российысе кажне регионын кугу потенциалже уло», - каласен Россий Президент.

Посланийыште ятыр кӱлешан йодышым тарватыме, элыште могай вашталтышым ышташ шонымым рашемдыме, вияҥме национальный цельым палемдыме, демографий, еш-влаклан полшымо, йорлылык дене кучедалме да еҥ-влакын парышыштым кугемдыме, у паша вер-влакым ыштыме да предприниматель-влак кокласе средам, кугыжаныш управленийым саемдыме шотышто поручений-влакым пуымо. «Палемдыме цельыш шуаш манын, ме чыла ыштена. Ӱшанем, ончыко пырля каена да шонен пыштымынам ыштен шуктена», - мучашлен шке ойжым В.В. Путин.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».