У идалыкым ончычсым иктешлыме дене тӱҥалына

2020 ий 29 декабрьыште Башкортостанын Вуйлыкшо Радий Хабиров пресс-конференцийым эртарыш да журналист ден республикыште илыше еҥ-влакын тӱрлӧ йодышыштлан вашештыш. Ты мутланымашым БСТ, «Россия 24», «Башкортостан 24», UTV, «Вся Уфа» телеканал-влак вияш эфирыште ончыктышт.

Республика Вуйлык шке ойжым кӱчыкрак иктешлымаш гыч тӱҥале. «2020-шо ий мучко гаяк коронавирус дене кучедалме йодыш тургыжландарыш. Но тыгодым икмыняр тӱҥ событийымат палемдаш лиеш. Тыге «Янган-Тау» геопаркна ЮНЕСКО геопарк-влакын глобальный сетьышкышт пурыш. Мартыште Президент Владимир Путин илыш гыч кайыше генерал Шаймуратовлан «Россий Федерацийын Геройжо» лӱмым пуыш. Сеҥымашлан 75 ий темме идалыкыште тиде кундемысе чыла калыклан кугу пӧлек лие. Майыште Россий Правительство Ишимбай да Стерлитамак районлаште верланыше «Алга» посна у экономический зоным регистрироватлыш. Инвестор-влак тушто кугу проект-влакым илышыш шыҥдарыме сомылым тӱҥалыныт. Шошым ончыч Уфимский районысо Зубовышто, вара Стерлитамакыште инфекционный госпиталь-влакым чоҥаш тӱҥална. Ты опыт моло кундем-влакланат пайдале лие. Кызыт Уфаште эше ик кугу проектым - тӱнямбал кӱкшытан Евразийский научно-образовательный рӱдерым вияҥдаш тӱҥалынна. Виктем командына ончыкыжымат чыла сай лиеш, коронавирус инфекцийым сеҥена манын ӱшана. Уфа олан 450 ияш лӱмгечыжлан шуко у знаковый объектым чоҥаш шонена. Ончыко сай кумыл дене ошкылына!» - каласыш Радий Хабиров.

Пресс-конференций жапыште тудлан илышнан тӱрлӧ шӧрынжӧ дене кылдалтше йодыш-влаклан вашешташ вереште. Еҥ-влаклан шке илышыж нерген ойлымымат колаш оҥай ыле, а южышт кеч-кӧнат кумылжым нӧлталше тыланымаш-влакым, У ий дене саламлымашым возен колтеныт. «Тыгай мутланымаш-влак моткоч кӱлешан улыт, тек нуно чӱчкыдынрак лийыт» манын тыланыше-влакат ыльыч.

Читайте нас в

«Чолман». Республиканская общественно-политическая газета на марийском языке. Издается с 24 апреля 1991 г.

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».