Биоресурсым саемдыме йодышлан кугу тӱткылыкым ойырат

«Башнефть-Добыча» - «Башнефть» АНК ПАО-н углеводородан сырье улмо верлам шымлыше да лукшо тӱҥ операторжо, тений Башкортостаныште биоресурсым саемдаш тӱҥалме сомылжым умбакыже шуен, Дӧртыльӧ да Краснокам районлаште Ошвичыш 37 тӱжем, Удмуртий Республикыште Воткинский водохранилищыш 12,5 тӱжем сӱгыгол (стерлядь) мӱктым колтен.

«Биоресурсым тӧрлаш предприятий тысе Кама ден Ошвиче вӱдлаштак илыше сӱгыгол иге-влакым налын. Сеголеткым (ик ийым темыдыме игым) январь-февраль тылзыла годсек кол озанлыкыште ончен куштеныт, садлан кажныже 10 грамм наре нелытым поген. Нуно шошым але кеҥежым вӱдыш колтымо мӱктӧ деч сайынрак иланат», - умыландарыш Росрыболовствын Средневолжский территориальный управленийжын Башкортостан Республикыште вӱд да биоресурс-влакым тергыме, эскерыме да аралыме кугыжаныш пашам шуктышо пӧлка вуйлатышын алмаштышыже Людмила Скворцова. Башнефть-Добыча» Российын Йошкар книгашкыже пуртымо шергакашан урлык колын популяцийжым искусственно артырыме сомылым тылеч ончычат шуктен. Июльышто ты кундемысе нефтяник-влак Павловский водохранилищыш, Караидель, Краснокам районлаште да Уфа ола лишне Ошвичыш 100 тӱжем сӱгыгол сеголеткым колтеныт.

«Предприятийна пашам ыштыме кундемлаштыже - а Башкортостан тыгай тӱҥ кундемна - экологий балансым арален кодаш полшышо моло ийласе йӧн дене гына ынеж серлаге. Тений республикысе эҥер ден водохранилищылаш 150 тӱжем шергакашан урлык колигым колтышна, Бирск да Аскын районлаште 27 тӱжем кожым, шукерте огыл Аскын, Архангельск, Бирск, Абзелил, Кугарче чодыра озанлыклаште 50 гектар кумдыкышто лӱсан пушеҥгым шындышна. Вес ий экологий сомылым эше талынрак тарватен колташ шонена», - ойла «Башнефть-Добыча» ООО-што генеральный директорын пашажым шуктышо Сергей Нонява.

Каласыман, мыняр мӱктым колтышашымат, вержымат Росрыболовствын Л. Берш лӱмеш Ер да эҥер кол озанлык научно-шымлыше институтын радамлыме методикылан эҥертен темлыме каҥашыже негызеш ойырен налме.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».