Куштырам шупшыктымылан тарифым кугемдат

Кодший 1 январьыште Российыште куштырам шупшыктымо у реформым илышыш шыҥдараш тӱҥалме. Ончыч тиде сомыллан олала ден районласе администраций-влак вуйын шогеныт гын, ынде тиде пашам «региональный оператор» манме компаний-влак шуктат. Республикыште нуно нылытын улыт. «Уфа» ден рӱдола воктенсе район-влакым «Спецавтохозяйство» МУП, кундемысе йӱдвел районла ден Межгорье олам «Дюртюлимелиоводстрой», кечывалвел районлам «Экосити», касвел район-влакым «Экология Т» компаний-влак обслуживатлат.

Кызыт кундемысе кугыжаныш кучем куштырам шупшыктымылан тарифым кугемдыме нерген увертарен. Мутлан, шӱкым лукмылан тымарте 70 теҥгем тӱленда гын, ынде 75 теҥгем тӱлыман лиеш, кӧ 35 теҥгем тӱлен (утларакшым тораште верланыше селала ден яллаште илыше калык), ынде 55 теҥгем тӱлаш тӱҥалеш. Региональный оператор-влакын акышт ойыртемалт кертеш.

Кугыжаныш кучемын еҥже, экономист-влакын мутышт почеш, кызытсе тариф-влак экономика шотышто йӧнан огытыл. Региональный оператор-влак, пашазе-влаклан пашадарым тӱлаш, у техникылан, бензинлан да моло роскотлан миллиард теҥге дене ойырен, убыткым чытат.

Таче республикыште куштырам сортироватлыше 14 комплекс пашам ышта. Шӱк ора гыч тӱрлӧ пластикым, полиэтиленым, кагазым, яндам, алюминийым, металлым, текстильым да эше 50 тӱрлӧ сырьем ойыркалат. Но вторсырье рынкыште тачысе кечылан тушеч пластикым, картоным да яндам веле кӱлешанлан шотлат. Куштырам посна-посна ойыркален чумырымо сомылат эркын ворана. Еҥ-влак яндам, пластикым, кагазым кажныжым посна контейнерыш оптат. Куштырам шупшыктымылан счетым пачерыште прописатлыме еҥ чот дене шотлат. Нигӧ прописатлалтын огыл гын, собственник чотым ончат. Вес семынже, те кок пачеран улыда але олаште пачерда да ялыште суртда уло гын, тыланда кок счет толеш. Куштырам огыт шупшыкто гын, вуйым шияш ида ӧр! Шуко пачеран пӧртыштӧ иледа гын, вуйшиймашым шкендан управляющий организацийыш (УК, ТСЖ, ЖК, ЖСК), посна пӧрт дене иледа гын, региональный операторын единый номерышкыже йыҥгыртыман.

Южгунам оператор базыжым уэмден ок шукто. Тидлан кӧра счетышто йоҥылыш цифр-влакым ончыктат. Мутлан, иктаж-кӧ прописка гыч лектын, пачер гыч куснен але илыш гыч каен, а счет тугаяк мия. Тыгай годым шкендан операторлан возен але йыҥгыртен шижтарыман. Йодмаш пелен документ-влакым пижыктыза. Тунам веле тыланда чыла тылзылан перерасчетым ыштен кертыт.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».