Чодыраш кайынеда гын…

Пӱртӱс тӱрлӧ саскалан моткоч поян. Кеҥежым-шыжым тутло снегым, поҥгым, пӱкшым, ломбыгичкым да молым погыде кодмо шуэш мо? Южгунамже йот вер-шӧрым шергалашат кумыл лектеш. Чодыраш каяш погыненда гын, мом шотыш налман?

- Родо-шочшыда-влаклан кувек тарванымыдам, кунамрак толшашдам шижтараш ида мондо. Жапыштыже огыда пӧртыл гын, нуно утарыше-влаклан йыҥгыртен каласышаш улыт.

- Чодыраш шкетын ида кошт. Кӱчык жаплан гына каеда гынат, пеленда зарядитлыме телефоным, изишак кочкыш-йӱышым, эмым, кӱзым, шырпым, зажигалкым, шӱшпыкым, шагатым, нӧрыдымӧ плащым, волгыдым отражатлыше жилетым, шыҥа деч аралалташ репеллентым налза.

- Ошкылмо годым тамгалан укш-влакым тодыл кодыза. Корным йомдареда гын, вигак ойгыраш ида тӱҥал. Чарналтыза, йырым-йыр ончыштса, тӱткынрак колыштса, ала иктаж велым еҥ мутланыме, пий оптымо (кок-кум километр тораш йоҥгалтеш), техника пашам ыштыме, поезд йӱк (лу километр ӧрдыжтӧ улшымат колаш лиеш) шокта. Тыге кувелке ошкылаш кӱлмым умылен кертыда. Корно уло гын, садак иктаж илем велыш шуйна докан. Изеҥер воктен йогын почеш ӱлыкыла ошкылман. Тудо эҥер деке, а эҥер еҥ-влак деке намиен луктеш. Высоковольтный линийыште номер да могай энергетический компанийын улмыжым возымо лийшаш. Кушто улмыдам ончыктышо тиде уверым утарыше-влаклан шижтарыман.

- 101 номер дене Россий МЧС-ын пожарно-спасательный службышкыжо йыҥгыртымек, телефонысо батарей ынже шич манын, палыме да родо-шочшыда-влак дене ида мутлане, утарыше-влакын тыланда йыҥгыртымышт годым гына телефоным налза. Телефон сетьын сигналже уке годым нигуш ида кай, верешдак кодса. Тулым ылыжтыза, тораш койшо шикшым чотрак лукташ кож але пӱнчӧ лӱсым ямдылыза да полышым вучыза. Йӱран годым кукшо воштырым шуҥгалтше пушеҥге-влак йымалне муаш лиеш.

- Янлыкым вашлийыда гын, ида лишем, тек эртен кая. Тудын дек туп дене ида савырне, шеҥгелла чакныза. Тендан велыш толмым, керылт кертмым шижыда гын, кычкырыза, шӱшкыза, тоя дене пушеҥгым перкалыза, тул дене аралалташ тыршыза. Ирсӧснам ужыда гын, вигак пушеҥгыш кӱзыза.

Йомшо еҥым писын гына кычал муын огыт керт, садлан шкендам кидыште кучыза, чытенак вучыза. Пеленда икшыве-влак улыт гын, нуным изишланат воктечда ида колто. Чодыраш мийыме годым лӱдыкшыдымылык правилым эре ушышто кучыман.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».