Палыдыме вирус илышнам унчыли савыра…

Айдеме - шке илышыжын озаже, маныт. Ала, ала… Тӱня мучко коронавирус инфекций (COVID-19) шарлаш тӱҥалмек, мландӱмбалсе чыла чонанын илышыже пӱртӱсыштӧ мо ышталтме дене чак кылдалтмылан утларак ӱшанаш амал шочо.

Китайыште кенета толын лекше да моткоч писын шарлыше вирус айдемын чоҥымо планжым йӧршын луген пытарыш, чылажымат унчыли савырыш. Тунемше-влакын шошо канышыштым шуяш верештын, туддеч вара нунат, студент-влак семынак, дистанционно тунемаш тӱҥалыт, тӱшка тӱвыра, спорт да моло мероприятийлам эртараш чарыме, филармоний, концерт зал, музей-влак онлайн-трансляций дене серлагат, южо организаций-влак йӧн улмо годым пашаеҥыштлан мӧҥгыштӧ пашам ышташ темлат. Тиде амаллан кӧра тений финн-угор тӱвыра рӱдерлан шотлалтше Мишкан селаште ты кечылаште эртышаш «Саскавий - 2020» финн-угор ӱдыр-влакын моторлык конкурсыштым, «Марий йылме, йӱла, тӱвыра - калыкнан тӱҥ поянлыкше» научно-практический конференцийым вес жапыш, Йошкар-Олаште апрель тылзыште лийшаш XI Марий калык погыным 1-3 октябрьыш кусарыме.

Тӱня мучко, тыгак мемнан элыштат лӱдыкшӧ вирусым тӱрлӧ семын чактараш тыршат. Кызыт йотэлла дене границым петыреныт, Роспотребнадзорын шӱдымӧ почеш вес эллаш коштын толшо-влак ешге кок арня мӧҥгыштӧ шинчышаш улыт, нунылан больничныйым пуат. Ты кечылаште республикыште тиде йодмашым шуктымым тергаш тӱҥалыныт. Режимым пудыртылшо-влакым мутым кучаш шогалтен кертыт.

Айдеме айманымым, лӱдмым, пӱртӱс вийым шотыш налмым чарнымыла чучеш, но пӱртӱс деч кугурак лияш огеш лий, векат. Тазалыкым, тыныс илышым (а тыныслык ден ласкалык сар дене гына огыл, йырым-йырна каен шогышо изи-кугу событийла да чумыр илыш денат кылдалтыныт) нимогай окса дене налаш огеш лий...

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».